من الروائع !!

[الجريح]

لصار خلك مستحق المسبه"="سبه ترى العشاق غيرك يسبون
لأبوه لأبو الحب من قلب سبه"="لأبو الغرام اللي يحدك على الهون
يالعنبو قلبً غشيمً يحبه"="ملعون والقلب اللي يغليه ملعون
أقول من هباك ياخبل هبه"="الدون مايسلك معاهم سوى الدون
عز الجفا ولاهوان المحبه"="ماخوذ من يصبر على الذل مغبون
إظهر قواة الباس والضعف خبه"="ترى الضعيف ضعيف لاطعم لالون
الراس محدن يقطعه غير ربه"="أقول عز النفس ماأقولك هون
خله يولي لايذلك بحبه"="أبعد وتلقاهم على البعد يدنون
ولاأنت لوترقد وبالعين شبه"="أبرك من اللي يجرحونك ويسلون
ياجاهل أفهم خذ من العلم لبه"="أصبر وتنسى والعذارى ينسون
الرجل عقله دايمً قبل قلبه"="ماهو عمى بالقلب ومفتح عيون
لاقدموا حبه تقدمت حبه"="وإن وخروا وخرت والعز مضمون
ترى غلا هالوقت هبه وهبه"="أغنم هبوب الوقت لاتقلب سكون
لاساعدك حظك تغانم مهبه"="لاترتهي يجيك يوم ويصدون
قبل يذبك ناب الأرداف ذبه"="ترى حلاة الرجل طاعن ومطعون
كم عاشقً خلوه من غير سبه"="يصفق بكفً كف مايدري إشلون
ماله جدى ياكون دمعً يكبه"="عليه سيف الهجر والصد مسنون
هذا من أول يوم لو دل دربه"="مادش في دنيا المجانين مجنون
لكن تبع قلبه وقلبه لعبه"="واليوم يبغي عون ماحصل العون
روض فؤادك يأبن الأجواد ربه"="البيض مايصلحلهم كود فرعون
ولاضعيف القلب دايم مسبه"="ودك مساكين البشر
مايحبون

هذه القصيدة منقولة للشاعر :: طلال السعيد ::

[ساجر عبدالله]

بعد التحيه لك أخى / جريح

سلمت يمينك على القصيده الرائعه
وحسن الاختيار الرائع لك


وتسلم يمينك ويمين طلال السعيد


وننتضر جديدك الجريح


أخوك / ساجر

[الجريح]

يعطيك العافية أخوي
{{ ســـــاجر }}
على مرورك على هالقصيدة التي أتمنى أن تكون
حازت على رضاك
ـ ـــــــــــــــــــــــــــــــــــــــــــــــ ـ
:: محبك ::
{{ الجــــــــــــــريح }}

[الجــوزاء]

بصراحه قصيده رهيبه
لصـار خلـك مستحـق المسبـه" "سبه ترى العشاق غيـرك يسبـون
لأبوه لأبو الحب مـن قلـب سبـه" "لأبو الغرام اللي يحدك على الهون
يالعنبـو قلـبً غشـيـمً يحـبـه" "ملعون والقلب اللي يغليه ملعـون
أقـول مـن هبـاك ياخبـل هبـه" "الدون مايسلك معاهم سوى الـدون

********
كلها شموخ وعزه
ولعن بالحب لعن مو صاحي
بس فعلا الكرامة فوق كل شيء
الصراحه عجبتني القصيده مررره

يعطيك العافيه الجريح على اختيارك الرائع 000

[السنيور]

أهلين وسهلين اخوي الجريح وبعد التحية والسلام

قصيدة رائعة من الشاعر طلال السعيد

ننتظر منك الجديد

تقبل مني أجمل تحية
أخوك "السنيور"

[الجريح]

الجـــوزاء
يعطيكي 1000 عافية غلى مرورك وأطرائك
ـ ـــــــــــــــــــــــــــــــــ ـ
السنيور
هلابك حبيبي ومشكور على ردك الحلو
وإن شاءالله راح تشوف كل جديد
ـ ـــــــــــــــــــــــــــــــــ ـ
:: محبكم ::
الجــــــــــــــــريح

[عماد الخالدي]

الأخ العزيز
الجريح

الف شكر لهذا الإختيار الجميل والذي يدل على ذوقك الأجمل

سلمت يداك
و
لك تحياتي

عماد الخالدي

[الجريح]

مشكوووووووووووووووور
أخوي عمـــاد
على مرورك عالموضوع
وعلى ردك الحلو
ـ ــــــــــــــــــــــــــــ ـ
:: محبك ::
الجـــــــــــــــريح